കർണാടക :ബിജെപി സർക്കാർ വീണു, യെദിയൂരിയപ്പ രാജി വച്ചു

കർണാടക :കേവലം 55 മണിക്കൂർ ആയുസ് മാത്രെമേ യെദിയൂരപ്പ സർക്കാരിന് കർണാടകയിൽ ഉണ്ടായിരുന്നുള്ളൂ. നാലു ദിവസങ്ങളായി അരങ്ങേറിയ നാടകീയ രംഗങ്ങൾക്ക് പര്യവസാനമായി അദ്ദേഹവും സംഘവും രാജി വച്ചു. വിധാൻ സഭയിൽ വിശ്വാസപ്രേമയം വായിച്ചതിനുശേഷം അതി വൈകാരികമായ പ്രസംഗത്തോടെയാണ് രാജി. കേവല ഭൂരിപക്ഷം തികയ്ക്കാൻ കഴിയാതെ വന്നതിനാലാണ് രാജി. വിശ്വാസ വോട്ടെടുപ്പിന് നില്കാതെ രാജി വെക്കുകയായിരുന്നു. വിശ്വാസ വോട്ടെടുപ്പിന് ഒരു മണിക്കൂർ മുൻപെങ്കിലും കേവല ഭൂരിപക്ഷം തികയ്ക്കണമായിരുന്നു. കോൺഗ്രസ്‌ ജെ ഡി എസ് സംഘം ചെയ്തത് അപലപനീയമാണ്. ജനവിധിയെ അട്ടിമറിക്കുകയാണ് അവർ ചെയ്തതെന്നും യെദിയൂരപ്പ പറഞ്ഞു. താൻ അധികാരത്തിൽ ഉണ്ടെങ്കിലും ഇല്ലെങ്കിലും കർണാടകയുടെ നല്ല ഭാവിക്കു വേണ്ടി പ്രവർത്തിക്കും എന്നും അടുത്ത ലോകസഭ തെരഞ്ഞെടുപ്പിൽ 28സീറ്റുകളിൽ മുഴുവൻ സീറ്റിലും ബിജെപി ജയിക്കും എന്നും യെദിയൂരിയപ്പ പ്രഖ്യാപിച്ചുകൊണ്ടാണ് രാജി വച്ചത്. കർണാടകയിൽ 104 അംഗങ്ങളുടെ പിന്തുണയുള്ള ബിജെപി ഒറ്റക്കക്ഷി ഭൂരിപക്ഷമായിരുന്നു. എന്നാൽ ഈ രാജി പാർട്ടിക്കേറ്റ നാണം കെട്ട തോൽവിയും ആയി.

Advertisements

ഇന്ധനവില നിയന്ത്രണമില്ലാതെ കുതിക്കുന്നു

തിരുവനന്തപുരം :സംസ്ഥാനത്തെ പെട്രോൾ വില എൺപതു കടന്നു. ഡീസൽ എൺപത്തിനോടടുക്കുകയും ചെയ്തു. നാലുരൂപയോളം ലിറ്ററിന് വർധിക്കും എന്നാണ് സൂചന. ഈ പോക്ക് 2013 ൽ പെട്രോൾ ലിറ്ററിന് 83എന്ന സർവ്വകാല റെക്കോർഡ് തകർത്തു മുന്നോട്ടു പോകാനാണ് സാധ്യത.രാജ്യാന്തര തലത്തിൽ ക്രൂഡോയിൽ വില ബാരലിന് 80ഡോളർ കടന്നു. അമേരിക്ക ഉപരോധം ഏർപ്പെടുത്തിയാൽ ഇറാന്റെ എണ്ണ വിതരണം കുറയും ഫലത്തിൽ ഇന്ധന വില കൂടും. ഒപെക് രാജ്യങ്ങളിൽ എണ്ണയുത്പാതനം കുറഞ്ഞിട്ടുമുണ്ട്. തീരുവ കുറയ്ക്കാൻ പറ്റില്ല എന്ന് ധനമന്ത്രി നേരത്തെ വ്യക്തമാക്കിയിരുന്നു. ആ വഴി ഇന്ധന വില നിയന്ത്രിക്കാൻ സർക്കാരിന് താല്പര്യം ഇല്ല. മാസത്തിൽ രണ്ടുതവണ വില മാറ്റം ഉണ്ടായിരുന്ന രീതി ഇപ്പോൾ ദിവസേന ആക്കുകയും ചെയ്തു. കര്ണാടകതെരെഞ്ഞെടുപ്പിൽ കേന്ദ്ര സർക്കാരിനെതിരെ ജനവികാരം ഉയരാ തിരിക്കാൻ ഇന്ധന വില വര്ധിപ്പിക്കാതെ പിടിച്ചു നിർത്തിയതും ഫലം കണ്ടില്ല. സർക്കാർ ഇടപെട്ടില്ലെങ്കിൽ ഇത് എവിടെ ചെന്ന് എത്തും എന്ന് ഒരു പിടിയുമില്ല.

കർണാടക ഇന്ന് പോളിങ് ബൂത്തിലേക്ക്

കർണാടക :223 മണ്ഡലങ്ങളിൽ 4.96 വോട്ടറുമാരുമായി കർണാടക ഇന്ന് പോളിങ് ബൂത്തിലേക്ക്. മൂന്നു മാസം നീണ്ട കനത്ത പ്രചരണം അവസാനിച്ചു. മുഖ്യമന്ത്രി സ്ഥാനാര്ഥികളായ യെഡിയൂരപ്പയും സിദ്ധരാമയ്യയും സ്വന്തം മണ്ഡലങ്ങളിൽ തിരിച്ചെത്തി നിശബ്ദ പ്രചാരണങ്ങളിൽ മുഴുകിയിരിക്കുകയാണ്. ദേശീയ നേതാക്കൾക്ക് കന്നഡ മണ്ണിൽ വിലക്കേർപ്പെടുത്തിയത് കാരണം ഡൽഹിയിൽ ഇരുന്ന് കർണാടകയിലേക്ക് ഉറ്റുനോക്കുകയാണ് അവർ. 1500 റോളം പ്രശ്നസാധ്യത ബൂത്തുകളിൽ കനത്ത സുരക്ഷയാണ് ഏർപ്പെടുത്തിയിട്ടുള്ളത്. ഇലെക്ഷൻ സാമഗ്രികളുടെ വിതരണം പൂർത്തിയായി കഴിഞ്ഞു. ബിജെപി യും കോൺഗ്രസ്സും കനത്ത പോരിലാണ്. ജെഡി എസും പുറകിലുണ്ട്. ഒന്നര ലക്ഷം പോലീസുകാരെയാണ് സുരക്ഷയ്ക്കായി നിയോഗിച്ചിരിക്കുന്നത്. ഇന്ന് രാവിലെ 7മുതൽ വൈകിട്ട് 6വരെയാണ് പോളിങ്. 15നാണ് വോട്ടെണ്ണൽ.

കർണാടകയിൽ കോൺഗ്രസ്‌ വർഗീയ കാർഡ് ഇറക്കുന്നു :

കർണാടകയിൽ കോൺഗ്രസ്‌ ആധിപത്യം ഉറപ്പിക്കാൻ വർഗീയ കാർഡ് ഇറക്കുന്നതായി ആഭ്യന്തര മന്ത്രി രാജ്‌നാഥ് സിങ്. മത്സരിക്കുന്നതു വിഷയാധിഷ്ടമായിരിണം അല്ലാതെ ജാതി പറഞ്ഞാകരുതെന്നും അദ്ദേഹം കൂട്ടിച്ചേർത്തു. യെദിയൂരിയപ്പ ജനകീയ നേതാവാണ് അദ്ദേഹത്തെ കുറിച്ചുള്ള അഴിമതി ആരോപണങ്ങൾ തെറ്റ് ആണെന്ന് തെളിഞ്ഞു കഴിഞ്ഞതാണ്. ബിജെപി കർണാടകയിൽ വിജയിച്ചിരിക്കും എന്നും രാജ്‌നാഥ് സിങ് പറഞ്ഞു.

സംസ്ഥാനത്ത് ഇന്ധന വില കുതിക്കുന്നു.

തിരുവനന്തപുരം :സംസ്ഥാനത്ത് കഴിഞ്ഞ ആറു ദിവസങ്ങളായി ഇന്ധന വില കുതിച്ചു ഉയരുകയാണ്. ഇന്ന് പെട്രോളിന് 78.61പൈസയും ഡീസലിന് 71. 52 പൈസയുമാണ്. ഇന്നലത്തേതിൽ നിന്ന് പെട്രോളിന് 14പൈസയും ഡീസലിന്, 19പൈസയുമാണ് കൂടിയത്. അതിന് മുൻ ദിവസത്തിൽ പെട്രോളിനും ഡീസലിനും 20പൈസ വീതം വർധിച്ചിരുന്നു. രാജ്യാന്തര തലത്തിൽ അസംസ്‌കൃത എണ്ണ വില വർധനവാണ് ഇന്ധന വില ഉയരാൻ കാരണം എന്നാണ് എണ്ണ കമ്പനികളുടെ വാദം. നാലു വര്ഷങ്ങള്ക്കു മുൻപ് അതായത് 2014ൽ അസംസ്‌കൃത എണ്ണയ്ക്ക് ഇന്നത്തെ വിലയുടെ പകുതിയേ ഉണ്ടായിരുന്നുളൂ. പെട്രോൾ, ഡീസൽ വിലയുടെ പകുതിയോളം കേന്ദ്ര സംസ്ഥാന തീരുവകളാണ്. ഇറക്കുമതി തീരുവ കുറക്കണമെന്നു കേന്ദ്ര പെട്രോളിയം മന്ത്രാലയം ധനമന്ത്രാലയത്തോടു ആവശ്യ പെട്ടിട്ടു നാളുകൾ ഏറെയായി. ധനമന്ത്രാലയം ഇതു ചെവികൊള്ളാത്ത മട്ടാണ്. കേരളത്തെ അപേക്ഷിച്ചു ചെന്നൈ, ബാംഗ്ലൂർ, പുതുച്ചേരി, മാഹി എന്നിവടങ്ങളിൽ പെട്രോൾ വില കുറവാണ്. എന്നാൽ മുബൈയിൽ വിലകയറ്റം രൂക്ഷമാണ്. പെട്രോൾ ലിറ്ററിന് 82. 35 ആണ് അവിടെത്തെ ഇന്നത്തെ വില.

“ദി മുസൽമാൻ “:കൈകൊണ്ടെഴുതി പ്രസിദ്ധീകരിക്കുന്ന ഏക ഇന്ത്യൻ പത്രം

ചെന്നൈ :അച്ചടി വാർത്ത മാധ്യമങ്ങൾ ഹൈടെക് രീതിയിൽ പുരോഗമിക്കുന്ന ഈകാലത്തു കൈകൊണ്ടെഴുതി പ്രസിദ്ധീകരിക്കുന്ന ഒരു പത്രം നമ്മുടെ രാജ്യത്തുണ്ട്. ‘ചെന്നൈയിൽ ‘. 1927ൽ പ്രവർത്തനമാരംഭിച്ചു 91വർഷങ്ങൾ പിന്നിട്ട ദി മുസൽമാൻ എന്ന പത്രം ഒരു സായാഹ്‌ന പാത്രമായി ഇന്നും തുടരുന്നു. 13ബിരുദം കരസ്ഥമാക്കിയിട്ടുള്ള സൈദ് ആരിഫുല്ല എന്ന ചീഫ് എഡിറ്ററുടെ നേതൃത്വത്തിൽ ബൈലൈനുകളില്ലാതെ രണ്ട് ഉറുദു എഡിറ്ററും മൂന്നു കൈഴുത്തു വിദഗ്ദ്ധരുടെയും കൂട്ടായ്മയിലാണ് പുറത്തിറങ്ങുന്നത്. 21000 കോപ്പികളാണ് വിറ്റുവരവ്. ലോകത്തെ തന്നെ ഏറ്റവും വിലകുറഞ്ഞ പത്രവും ഇതുതന്നെ.

ശിശുദിനം ഡിസംബർ ഇരുപത്തി യാ റിലേക്കു മാറ്റാൻബിജെപി

ശിശുദിനം ഡിസംബർ 26ലേക്ക് മാറ്റണം. നിലവിലെ നവംബർ 14 അങ്കിൾസ് ഡേ അല്ലെങ്കിൽ ചാച്ചാ ദിവസ് ആയി ആഘോഷിച്ചാൽ മതിയെന്ന് ബിജെപി. നെഹ്രുവിനു കുട്ടികളോടുള്ള വാത്സല്യം ആണ് ഇത്രെയും കാലം നവംബർ 14ശിശുദിനമായി ആചരിച്ചത് . അ തിന്റെയൊന്നും ആവശ്യമില്ലെന്നാണ് ഇപ്പോഴത്തെ നിലപാട്. അതുകൊണ്ട് പടിഞ്ഞാറൻ ഡൽഹിയിലെ ബിജെപി എംപി പർവേഷ് സാഹിബ്‌ സിങ് വർമയുടെ നേതൃത്വത്തിൽ 100 ബിജെപി എംപി മാർ ഒപ്പിട്ട കത്താണ് പ്രധാനമന്ത്രിക് നൽകിയിരിക്കുന്നത്. മുഗൾ ആക്രമണങ്ങൾക്കെതിരെ സിക്കുകാരുടെ ആത്മീയ നേതാവ് ഗുരു ഗോവിന്ദ് സിങ്ങിന്റെ 4 മക്കൾ ജീവത്യാഗം ചെയ്തത് ഡിസംബർ 26 ന് ആണ്. ഇവരുടെ ഓർമ്മക്ക് ചിൽഡ്രൻഡ്‌സ് ഡേ ആചരിക്കാനാണ് ബിജെപി എംപിമാർക്ക്‌ താല്പര്യം.കുട്ടികളിൽ അഭിമാന ബോധവും അവകാശബോധവും വളർത്താൻ ഇത് ഉപകരിക്കും എന്നാണ് വാദം.