കർക്കിടക സംക്രാന്തി ആഘോഷം പൂർത്തിയായി

പാലക്കാട്‌ :കേരളത്തിൽ തെക്കൻ മലബാറിൽ കർക്കിടക സംക്രാന്തി ആഘോഷം പൂർത്തിയായി. മിഥുനം അവസാനത്തോടെ കർക്കിടക സംക്രമദിവസം സന്ധ്യയ്ക്ക് സംക്രാന്തി ആഘോഷിക്കുന്നു. സംക്രാന്തിക് മുൻപ് വീട്ടിലെ കട്ടിളകളും ജനാലകളും പാരകത്തിന്റെ ഇലകൾ കൊണ്ട് ഒരച് വൃത്തിയാക്കുന്നു .മാറാല കളഞ്ഞ് വീടിനകം തുടച്ചു വൃത്തിയാക്കുകയും ചെയ്യും.പിന്നീട് മുറ്റം വൃത്തിയാക്കി ചാണകം തളിച്ച് ശുദ്ധി വരുത്തും. അതിനുശേഷം സംക്രാന്തിയുടെ മുഖ്യ ചടങ്ങ്. ‘പൊട്ടിയെ പുറത്താക്കൽ ‘ ഒരു കീറിയ പഴയ മുറത്തിൽ ചോറുകൊണ്ട് മൂന്നു ഉരുളകൾ വെളുപ്പ് ,കറുപ്പ്, മഞ്ഞ നിറത്തിൽ ഉണ്ടാക്കി വയ്ക്കും .എരിഞ്ഞി ഇല ,കൂവയില ,മേച്ചിങ്ങാ ,കുറ്റിച്ചൂൽ, മൈലാഞ്ചി എന്നിവയും അതിനൊപ്പം ചേർത്ത് വച്ച് ചോറുരുളകളുടെ പുറത്ത് 3 തിരികൾ കത്തിച് , വീടൊക്കെ വൃത്തിയാക്കിയ സ്ത്രീ അല്ലെങ്കിൽ ഗൃഹനാഥ ഈ മുറം കൈയിലെടുത്തു വീട്ടിനുള്ളിലെ എല്ലാ മുറികളിലും കയറി ‘പൊട്ടി പോ’  ‘പൊട്ടി പോ ;”ശീപോതിയും മക്കളും വാ വാ .. “എന്ന് ഉറക്കെ പറഞ്ഞു നടക്കും .ശേഷം വീടിന് ചുറ്റും മൂന്നുപ്രാവശ്യം വലം വയ്ക്കും. ഒപ്പം വീട്ടിൽ കുട്ടികളുണ്ടെങ്കിൽ അവർ വാഴ പിണ്ടികൊണ്ടും മടലുകൾ കൊണ്ടും നിലത്തടിച്ചു ശബ്ദമുണ്ടാക്കി ഗൃഹനാഥയുടെ പുറകിൽ വീടിന് ചുറ്റും വലം വയ്ക്കും .ഇതിനുശേഷം മുറവും മറ്റു സാധനകളും വീടിന് ദൂരെ ഉപേക്ഷിച് ഗൃഹനാഥ തലയിലും ദേഹത്തും എണ്ണതേച് ,കുറച്ചു എണ്ണ ഭൂമിദേവിക് സമർപ്പിച് ,അടുത്തുള്ള കുളത്തിലോ പുഴയിലോ നീന്തി തുടിച്ചു കുളിക്കും. ഇതോടുകൂടി ചേട്ടയെ പുറത്താക്കി കഴിഞ്ഞു .ഇനി ശ്രീ പാർവതിയെ കുടിയിരുത്തും .കർക്കിടകം ഒന്നിനാണ് ഈ ചടങ്ങ്. ഗൃഹനാഥ രാവിലെ നേരത്തെ എണിറ്റു കുളിച്ചു പുതുവസ്ത്രങ്ങൾ ധരിച്ചു് ദശപുഷ്പങ്ങൾ ചൂടി ,മച്ചിലോ പൂജാമുറിയിലോ ഏഴുതിരിയിട്ട നിലവിളക്കു കൊളുത്തി, ഓട്ടു കിണ്ടിയിൽ വെള്ളം നിറച്ചും താലത്തിൽ ദശപുഷ്പവും കണ്ണാടിയും വച്ചു ശ്രീ ഭഗവതിയെ ധ്യാനിച്ച് പ്രാർത്ഥിക്കും. ഇതാണ് കുടിയിരുത്തൽ ചടങ്ങ്. ഇങ്ങനെ ചെയ്യുന്നത് വീട്ടിൽ ഐശ്വര്യവും ശാന്തിയും സമാധാനവും കൊണ്ടുവരുമെന്നാണ് വിശ്വാസം. കർക്കിടക മാസം മുഴുവൻ ഈ പ്രാർത്ഥന രാവിലെയും വൈകിട്ടും തുടരും .കർക്കിടകം രാമായണമാസം കൂടിയാണ് .ക്ഷേത്രങ്ങളിൽ വിശേഷ പൂജകൾ നടക്കും .പഴയ വീടുകളിലും ക്ഷേത്രങ്ങളിലും രാമായണ പാരായണവും ഉണ്ടാവും. ഈ മാസത്തിൽ ഭക്തർ നാലമ്പല ദർശനം ചെയ്യുന്നതുംപതിവാണ് . രാമായണത്തിലെ കഥാപാത്രങ്ങളായ രാമൻ ,ലക്ഷ്മണൻ ,ഭരതൻ, ശത്രുഘ്‌നൻ എന്നിവരെ ഒന്നിച്ചു പ്രതിഷ്ഠിച്ചിട്ടുള്ള ക്ഷേത്ര ദർശനമാണ് നാലമ്പല ദർശനം .മിഥുനമാസത്തിലെ ദുരിതവും കർക്കിടത്തിലെ ദുര്ഘടവും കഴിഞ്ഞു വരുന്ന പൊന്നിൻ ചിങ്ങമാസത്തെ വരവേൽക്കാൻ ഒരുങ്ങുകയാണ് സംക്രാന്തികൊണ്ട് ഉദ്ദേശിക്കുന്നതെന്നും പറയുന്നു .

Advertisements

തിരുവാഴിയോട് സ്വകാര്യബസ്സുകൾ തമ്മിൽ കൂട്ടിയിടിച്ചു നിരവധി ആളുകൾക്ക് പരിക്ക് ;ഗതാഗതം തടസ്സപ്പെട്ടു

പാലക്കാട്‌ :ചെറുപുളശ്ശേരി തിരുവാഴിയോട് റൂട്ടിൽ സ്വകാര്യ ബസ്സുകൾ തമ്മിൽ കൂട്ടിയിടിച്ചു .മണ്ണാർക്കാട് റൂട്ടിൽ ഓടുന്ന സ്വകാര്യ ബസ് തിരുവാഴിയോടിന് അടുത്തുള്ള പമ്പിലേക്കു കയറ്റുന്നതിനിടെയാണ് മറ്റൊരു സ്വകാര്യ ബസുമായി കൂട്ടിയിടിച്ചു അപകടം സംഭവിച്ചത് .നിരവധി പേർക്ക് പരിക്കേറ്റിട്ടുണ്ട്. ഗതാഗതം തടസ്സപെട്ടു.ഗതാഗതം തത്കാലം ശ്രീകൃഷ്ണപുരം മണ്ണമ്പറ്റ റോഡിലൂടെ പുനഃസ്ഥാപിച്ചിരിക്കുകയാണ്

മുതിർന്ന മാധ്യമ പ്രവർത്തക ലീല മേനോൻ അന്തരിച്ചു

കൊച്ചി :മുതിർന്ന മാധ്യമ പ്രവർത്തകയും ജന്മഭൂമി ചീഫ് എഡിറ്ററുമായിരുന്ന ലീല മേനോൻ( 86)അന്തരിച്ചു. വാർദ്ധക്യകാല അസുഖങ്ങളെ തുടർന്ന് ചികിത്സയിലായിരുന്നു .മുണ്ടിയത് മേജർ ഭാസ്കര മേനോൻ ആണ് ഭർത്താവ്. ഇന്ത്യൻ എക്സ്പ്രസ്സ്‌ ,ഔട്‍ലൂക് ,ഹിന്ദു ,വനിത, മാധ്യമം ,മലയാളം തുടങ്ങിയവയിൽ പ്രവർത്തിച്ചു .കേരള മിസ്‌ഡേ, കോർപ്പറേറ്റ് ടുഡേ തുടങ്ങിയവയിൽ എഡിറ്ററും ആയിരുന്നു .സാഹസികതയും വ്യത്യസ്തതയും കൂടെ പിറപ്പായിരുന്നു. ഈ സ്വഭാവം തന്നെയാണ് ടെലിഗ്രാഫ് ഓഫീസറായി ജോലി ചെയ്തിരുന്ന അവരെ പത്രപ്രവർത്തനത്തിലേക്കു എത്തിച്ചതും. തന്നെ കുറിച്ചുള്ള പ്രേമ വിശ്വനാഥന്റെ ലേഖനത്തിൽ നിന്ന് പ്രചോദനം ഉൾക്കൊണ്ടാണ് അവർ പത്രപ്രവർത്തനത്തിലേക്കു ചുവടു വച്ചതും. അങ്ങനെ പത്ര പ്രവർത്തനത്തിൽ പരിശീലനം തേടുകയും ഗോൾഡ്‌ മെഡലോടുകൂടി പാസ്സാവുകയും ചെയ്തു. 1978 ഇന്ത്യൻഎക്സ് പ്രെസ്സിൽ സബ്  എഡിറ്റർ. അവിടെന്നു പിന്നീടുള്ളത് ഒരു ജൈത്ര യാത്ര തന്നെയായിരുന്നു. അന്നത്തെ കാലത്ത് സ്ത്രീകൾ ആരും തന്നെ ഏറ്റെടുക്കാത്ത റിപ്പോർട്ടിങ് ജോലിയാണ് അവർ തെരെഞ്ഞെടുത്തത്. എയർ ഹോസ്റെസ്ടുകൾക്കു വിവാഹവിലക്ക് ഏർപ്പെടുത്തിയിരുന്ന കാലം. അത് തന്നെയായിരുന്നു ലീലയുടെ ആദ്യ റിപ്പോർട്ടും .പിന്നീട് കേരളം കണ്ട വലിയ സംഭവങ്ങൾ എല്ലാം ഇവരുടെ റിപ്പോർട്ടിങ്ങിലൂടെയാണ്. സൂര്യനെല്ലി കേസ്‌, വിതുര പെൺവാണിഭം ,പെരുമൺ ട്രെയിൻ ദുരന്തം ,വൈപ്പിൻ വിഷ മധ്യ ദുരന്തവും, ആദ്യത്തെ എയ്ഡ്‌സ് രോഗിയും എല്ലാം അവരുടെ പ്രതിഭ തെളിയിച്ചതാണ് .നിലപാടിലെ നീതിയും ജീവിതത്തിലെ സത്യസന്ധത യും അവരെ ഇന്ത്യയിലെ മുൻനിര പത്രപ്രവർത്തകരിൽ ഒരാളാക്കി .ഹൃദ്രോഗവും പക്ഷാഘാതവും അർബുദവും അവരെ വേട്ടയാടി എങ്കിലും അതിലൊന്നും കുലുങ്ങിയില്ല. “നിലയ്ക്കാത്ത സിഫണി”,(ആത്മ കഥ ), ‘ഹൃദയപൂർവം ‘(തെരെഞ്ഞെടുത്ത കഥകൾ ),വെ യിലിലേക്കു മഴ ചാഞ്ഞു, തുടങ്ങി പ്രധാന കൃതികൾ. ഇന്ന് കാലത്ത് മൃതദേഹം എറണാകുളം  ടൌൺ ഹാളിൽ പൊതുദര്ശനത്തിൽ വച്ച ശേഷം ഉച്ചക്ക് ഒരുമണിയോടുകൂടി കൊച്ചി രവിപുരം ശ്മശാനത്തിൽ ബഹുമതികളോടെ സംസ്കരികും

 

നടൻ വിജയൻ പെരിങ്ങോട് അന്തരിച്ചു

പാലക്കാട്‌ :നടനും സിനിമ പ്രൊഡക്ഷൻ രംഗത്തെ നിറ സാന്നിധ്യവുമായിരുന്ന പെരിങ്ങോട് വിജയൻ (66)അന്തരിച്ചു.ഹൃദയ ആഘാതത്തെ തുടർന്നായിരുന്നു മരണം. ഇന്ന് പുലർച്ചെ നാലരയ്ക്ക് പാലക്കാട്ടെ പെരിങ്ങോട് വീട്ടിലായിരുന്നു അന്ത്യം. പ്രൊഡക്ഷൻ എക് സികുട്ടീവായാണ് വിജയൻ സിനിമ രംഗത്തേക്ക് കടന്നു വന്നത്. പിന്നീട് പ്രൊഡക്ഷൻ മാനേജരായി ഉയർന്നു. 1983പി കെ മേനോൻ സംവിധാനം ചെയ്ത അസ്ത്രത്തിലൂടെ നടനായും തുടക്കം കുറിച്ചു. സത്യൻ അന്തികാടിന്റെയും ലാൽ ജോസിന്റെയും സിനിമയിൽ നിറ സാന്നിധ്യം ആയിരുന്നു. ശ്രീധരന്റെ ഒന്നാം തിരിമുറിവ്, മീശമാധവൻ, കിളിച്ചുണ്ടൻ മാമ്പഴം, പട്ടാളം, കഥാവശേഷൻ, അച്ചുവിന്റെ അമ്മ, വടക്കും നാഥൻ, സെല്ലുലോയിഡ് കിങ് ലയർ, ഒപ്പം, തുടങ്ങി നിരവധി സിനിമകളിലായി ചെറുതും വലുതുമായ റോളുകൾ.രഞ്ജൻ പ്രോമോദിന്റെ രക്ഷാധികാരി ബൈജുവാണ് അവസാന ചിത്രം. നാൽപതു വർഷങ്ങൾ സിനിമ ലോകത്തിനു തന്റേതായ സംഭാവനകൾ നൽകിയാണ് വിജയൻ യാത്രയായത്.

ദിലീപിനോട് 10 കോടി ആവശ്യപ്പെട്ടു ലിബർട്ടി ബഷീറിന്റെ വക്കീൽ നോട്ടീസ്

കൊച്ചി :നടൻ ദിലീപിനോട് 10 കോടി ആവശ്യപ്പെട്ടു ലിബർട്ടി ബഷീറിന്റെ വക്കീൽ നോട്ടീസ്. . നടിയെ ആക്രമിച്ച കേസിൽ ദിലീപ്, ലിബർട്ടി ബഷീറടക്കമുള്ള ആളുകൾ തനിക്കെതിരെ ഗൂഢാലോചന നടത്തിയതായി ആരോപിച്ചിരുന്നു. ഈ ആരോപണം ലിബർട്ടി ബഷീറിന് മാനഹാനി ഉണ്ടാക്കിയതായാണ് വക്കീൽ നോട്ടീസിൽ. ദിലീപ് മാധ്യമങ്ങളിലൂടെയും സോഷ്യൽ മീഡിയകളിലൂടെയും തനിക് മാനഹാനി ഉണ്ടാക്കി എന്നാണ് ലിബർട്ടി ബഷീറുടെ വാദം. 10കോടി രൂപയും മാപ്പും ദിലീപ് നൽകണം. അല്ലാത്തപക്ഷം നിയമനടപടികളിലൂടെ മുന്നോട്ടു പോകാനാണ് ഉദ്ദേശിക്കുന്നതെന്നും ലിബർട്ടി ബഷീർ പറഞ്ഞു.

കോട്ടയത്ത്‌ ബൈക്ക് അപകടത്തിൽ മാധ്യമപ്രവർത്തക മരിച്ചു.

കോട്ടയം :കോട്ടയത്ത്‌ മാധ്യമപ്രവർത്തക സൂര്യ വാസൻ(29) ബൈക്ക് അപകടത്തിൽ മരിച്ചു. കോട്ടയത്ത്‌ നിന്നും തിരുവഞ്ചൂരിലെക് പിതൃ സഹോദര പുത്രൻ അന്തപദ്മനാഭനോടപ്പം ബൈക്കിലായിരുന്നു യാത്ര. നിഷ്കളങ്ക ജംഗ്ഷനിൽ എത്തിയപ്പോൾ ഇവർ സഞ്ചരിച്ചിരുന്ന ബൈക്കിൽ ഒരു ബസ് വന്നിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ സൂര്യയെ കോട്ടയം മെഡിക്കൽ കോളേജ് ആശുപത്രിയിൽ പ്രേവേശിപ്പിച്ചെങ്കിലും രക്ഷിക്കാനായില്ല. സൂര്യ സ്റ്റാർ വിഷനിലും കൌമുദി ചാനലിലും വാർത്ത അവതാരകയായി പ്രവർത്തിച്ചിട്ടുണ്ട്.സംസ്കാരം ഇന്ന് ഉച്ചക്ക് 3ന്.

തേക്കുതടി കളുടെ റീറ്റെയ്‌ലറായി വനം വകുപ്പ് പ്രവർത്തനം ആരംഭിച്ചു

കോട്ടയം:വനം വകുപ്പിന്റെ കോട്ടയം ഡിപ്പോയിൽ നിന്ന് തേക്കുതടികൾ സാധരണകാർക് നേരിട്ട് വാങ്ങാം.വീടുവെക്കാൻ തേക്ക് തടികൾക്കു ഇനി അമിത വില കൊടുക്കേണ്ടി വരില്ല. സ്വകാര്യകമ്പനിക്കാർ അമിത വില ഈടാക്കുന്ന പശ്ചാത്തലത്തിലാണ് വനം വകുപ്പിന്റെ ചില്ലറ വില്പന ശ്രേധേയമാകുന്നത്. തേക്കുതടികൾ ആവശ്യമുള്ളവർ വീട് നിർമാണത്തിനുള്ള പ്ലാൻ, തദ്ദേശ സ്ഥാപനത്തിൽ നിന്നുള്ള സാക്ഷ്യപത്രം, പാൻകാർഡ് മേൽവിലാസം തെളിയിക്കുന്ന രേഖ, അഞ്ചു രൂപയുടെ കോർട്ട് ഫീ സ്റ്റാമ്പ്‌ ഒട്ടിച്ച അപേക്ഷ എന്നിവയുമായി കോട്ടയം ഡിപ്പോ യിലേക്ക് കയറി ചെന്നാൽ മതി. ഇനി നേരിട്ടു എത്താൻ സാധിച്ചില്ലെങ്കിൽ ഓൺലൈനായും അപേക്ഷിക്കാം. ഒരു വീടിന് പരമാവധി അഞ്ചു ക്യൂബിക് മീറ്റർ തടി ലഭ്യമാണ്. ഇപ്പോൾ കോട്ടയം ഡിപ്പോയിൽ തൊടുപുഴ എസ്റ്റേറ്റിൽ നിന്ന് കൊണ്ടുവന്ന തടികളാണ് ഉള്ളത്. ഇത് 69 വർഷം പഴക്കമുള്ളതും ഇരുപതു മുതൽ നാൽപതു ഇഞ്ച് വരെ കനമുള്ളതുമാണ്. കോട്ടയത്തെ വിവിധ ഡിപ്പോകളിൽ തടികൾ ഏതാനും ദിവസങ്ങൾക്കുളിൽ ലഭ്യമായി തുടങ്ങും.